作業6 翻寫台語Wiki百科詞條「Goân-siau」-ATA111102
Goân-siau
原文翻寫做漢羅：
Goân-siau (元宵), mā hō chò siōng-goân (上元) kap siōng-goân-mî (上元暝), sī Tang-a ê 1 ê tiōng-iàu thoân-thóng cheh-ji̍t, sî-kan tī lông-le̍k ê chiaⁿ-goe̍h cha̍p-gō͘.
元宵，嘛號做上元佮上元暝，是東亞的一个重要傳統節日，時間佇農曆的正月十五。
Goân-siau sī kū-le̍k sin-nî ê thâu-chi̍t-ê goe̍h-îⁿ ê àm-mî. Chit kang sī pài goe̍h-niû kah him-sióng goe̍h-niû ê li̍t-chí, mā tāi-piáu chhun-thiⁿ beh lâi--ah. Koh sī thoân-thóng tēng-gī siōng, sin-nî ê siōng bóe kang. Tī Tiong-kok, Goân-siau ê thoân-thóng sè-sio̍k sī "ioh bê-chhai".
元宵是舊曆新年的頭一个月圓的暗暝。這工是拜月娘佮欣賞月娘的日子，嘛代表春天欲來矣。閣是傳統定義上，新年的上尾工。佇中國，元宵的傳統世俗是「臆謎猜」。
Hu̍t-kàu ū tī Chiaⁿ--goe̍h cha̍p-gō͘ tiám-teng kiong-hu̍t ê sè-sio̍k. Nā Tō-kàu, kā Siōng-goân khòaⁿ-chò sī Thian-koaⁿ Tāi-tè (Giâu) ê tàn-sîn. Chiaⁿ--goe̍h cha̍p-gō͘ sī Siōng-goân; Chhit-goe̍h cha̍p-gō͘ sī Tiong-goân; Cha̍p-goe̍h cha̍p-gō͘ sī Hā-goân. Che 3 li̍t hun-pia̍t sio̍k Thiⁿ, Tè kah Chúi ê Saⁿ-koaⁿ Tāi-tè só͘ koán. Siōng-goân sī Thian-koaⁿ ê hôa-tàn, só͘-í ài tiám teng khèng-chiok. Kàu Tông-tiâu kiat-sok chìn-chêng, tiâu-têng lóng sī chèng-sek leh chè-pài.
佛教有佇正月十五點燈供佛的世俗。若道教，共上元看是天官大帝（堯）的誕辰。正月十五是上元；七月十五是中元；十月十五是下元。這三日分別屬天，地佮水的三官大帝所管。上元是天官的華誕，所以愛點燈慶祝。到唐朝結束進前，朝廷攏是正式咧祭拜。
留言
張貼留言